鮨燐

营业中

休息中

今日同朋友去食厨師發辦，好好食喎，個師傅又好用心介紹食材，體驗好好👍🏻前菜已經好特別，係日本嘅沢蟹，炸到香脆可口。日本小蕃茄好甜，加埋昆布赤水母菜蜜，酸酸的，非常開胃。平目魚刺身好甜味，另一件經過火炙，啲油脂出嚟嚟，勁香👍🏻四國德島生蠔雖然蠔身唔係好肥，但勁鮮味，海水味唔太濃，加了柚子醋，特顯生蠔嘅鮮甜😊中拖羅刺身都令我一試難忘，首先佢係非常厚切，再加上淡雪鹽，味道非常之夾，真係想食多兩件。北海道赤海胆壽司都好好味，成件壽司上邊放滿海胆，見到都流晒口水。個海胆一啲都唔腥，無海水味，只係食到海胆嘅鮮味，正呀🤤最後個甜品都好好味，呢間厨師發辦可以再嚟，質素真心唔錯👍🏻