Mee...Lemongrass (已結業)

朕聽聞葵涌有間食喇沙食到有原隻龍蝦咁巴閉，於是朕就叫隨從同朕Check下間野喺邊，順便幫朕Book埋位。間野喺KCC，喺葵興站行過去都唔駛5分鐘！上到去門口，大大個牌寫住半價84蚊原隻龍蝦喇沙，朕就緊係要試下啦，跟手仲叫埋個開胃酸辣鳯爪同埋香芒椰汁糯米飯。
話明想開胃，緊係食個酸辣鳯爪醒醒佢先啦，酸辣鳯爪沙律，鳯爪軟硬適中，夠彈牙，酸辣醒胃，沙律菜又夠新鮮，做頭盤一流。

無骨酸辣鳯爪沙律

$62

跟住到今日既主菜，原隻龍蝦喇沙，84蚊真係食隻龍蝦都夠回本，加埋一個又濃又好味既湯底，朕一個人差啲食唔哂！

原隻波士頓龍蝦喇沙

$84

最後就緊係要食埋個甜品先啦，香芒椰汁糯米飯簡直就係芒果壽司，拌少少椰汁一齊食，椰香伴隨芒果既鮮甜加埋糯米既煙韌，為呢一餐畫上一個完美既句號。

香芒椰汁糯米飯

$48

－－－－－－完－－－－－－

1

1