海膽仔

营业中

休息中

*此餐廳收取加一服務費。韓國海膽跟波波飯及紫菜（單點$228），原盒韓國海膽味道鮮甜、唔腥，食落入口即化，海膽配以波波飯及紫菜或青瓜及紫菜都好好味。珍味丼（單點$128），好足料，包括有鮑魚、原隻甜蝦、帶子、三文魚、希靈魚、洋蔥吞拿魚蓉；鮑魚肉質彈牙，味道鹹甜；帶子、三文魚、希靈魚肉質厚身，食落好滿足；洋蔥吞拿魚蓉食落好清爽。8切三文魚刺身（單點$68），肉質肥美、嫩滑，食落有鮮味。6片北寄貝刺身（單點$38），肉質爽口，食落好新鮮。牛油果軟殼蟹卷（單點$38），表面鋪有蟹籽、美乃滋、牛油果，內有軟殼蟹、青瓜，食落口感好豐富。火炙芝士三文魚壽司（單點$24），三文魚肉質外熟內嫩，配以火炙芝士，味道鹹香。甜蝦壽司（單點$18），甜蝦肉質軟糯。沙律（跟餐$0），包括有車厘茄、椰菜、粟米，配以醋汁食用，味道更佳。麵豉湯（跟餐$0），內有麵筋、昆布、豆腐，飲落鹹度適中。