華鳥居 (已結業)

今日收早，隊友又放假，五點幾就去左青衣城食個early dinner,避開繁忙時段，我地揀左呢間日本菜華鳥居⛩️，入面地唔算好大，一眼望晒，但整齊乾淨，坐位唔會太迫，裝修幾有日本居酒feel。有名你叫華鳥居，呢度當然係主打啦！所以我地叫左一個來自九洲博多既水炊鍋同雞皮串燒。湯底冇任何調味，純粹加咗原隻雞殼去做湯底，水炊鍋入面只係得華味鳥雞肉，蔬菜🥬同清水。雞肉除左雞翼之外，全部冇骨啖啖肉，另外仲有雞肉丸同雞肝。蔬菜都有好多種類，有大蔥，紅蘿蔔，金菇，冬菇，另外仲有三種綠色蔬菜同豆腐。店員會幫你放埋落去，你只需要等食。個雞好嫩滑，記得沾埋個專用既醋，係黃金配搭。食完雞肉再落蔬菜，然後再飲湯，清甜好味。鹽燒雞皮-燒身唔會好乾身，少於調味，味道剛好。