魚米 (已結業)

魚米，招牌菜係原條魚米線。今次叫咗碗原條左口魚米線。第一次見到條魚仲大過個碗！完全覺得六十幾蚊係抵食。條左口魚係用油炸，但食落唔覺油膩。我覺得條魚炸嘅時間啱啱好，肉質彈牙，魚肉味道鮮甜。米線爽口彈牙，加埋其他配料如香蔥等，令魚味更加突出。魚湯好好飲，飲得出係用魚煲而唔係用味精。除外魚湯米線之外，仲有好多食物選擇，例如魚腐。不過食完咁大碗粉已經夠哂飽。下次再食其他嘢。