影片
更多
2010-07-09
19 浏览
今日(9-7-2010 Fri)爸爸返大陸,我同男友決定出街食晚飯,未有頭緒時就約男友放工o係荃灣等,我o地去到路德圍附近見冇咩好食,就諗住去華都中心森美餐廳,行到街市街諗起呢間,帶男友行o黎,佢就決定呢間.上到o黎都只係7:00pm左右,但已經幾多人,我o地坐低後就係咁睇menu,男友極速決定o左要:5.$33.00o既可樂餅男友發現有呢樣o野就兩眼發光地話要叫,menu話係餡係蟹肉同瀨尿蝦.呢個係第一個到,一睇落去,顏色好深,係咪炸過龍呢?食落,熱辣辣,外層炸到有啲硬,而餡係壓成蓉,我唔係咁食到兩種海鮮味.1.$9.00o既京蔥串燒原本男友叫2個,女侍應落單後返o黎話剩返一串,就改一串啦.一串有四件,佢夠大件,我食o左一件就唔食喇,因我覺得有啲生,唔係太接受,男友鍾意食就由佢啦.2.$10.00o既雞腎串.呢個比較乾身,但味道夠濃.3.$10.00o既豚肉串唔….男友啣o左檸檬汁落去,豚肉嗦晒啲味,攪到我只食到檸檬味.4.$68.00o既寄世鍋(海鮮)定食(唔辣)呢個有前菜,,白飯,麵豉湯同燉蛋.今日前菜係煎三文魚,寄世鍋裡面有好多料,有金菇,小棠菜,多春魚,蝦,蟹柳,青口,冬菇,
上到o黎都只係7:00pm左右,但已經幾多人,我o地坐低後就係咁睇menu,男友極速決定o左要:
5.$33.00o既可樂餅
男友發現有呢樣o野就兩眼發光地話要叫,menu話係餡係蟹肉同瀨尿蝦.呢個係第一個到,一睇落去,顏色好深,係咪炸過龍呢?食落,熱辣辣,外層炸到有啲硬,而餡係壓成蓉,我唔係咁食到兩種海鮮味.
1.$9.00o既京蔥串燒
原本男友叫2個,女侍應落單後返o黎話剩返一串,就改一串啦.
一串有四件,佢夠大件,我食o左一件就唔食喇,因我覺得有啲生,唔係太接受,男友鍾意食就由佢啦.
2.$10.00o既雞腎串.
呢個比較乾身,但味道夠濃.
3.$10.00o既豚肉串
唔….男友啣o左檸檬汁落去,豚肉嗦晒啲味,攪到我只食到檸檬味.
4.$68.00o既寄世鍋(海鮮)定食(唔辣)
呢個有前菜,,白飯,麵豉湯同燉蛋.
今日前菜係煎三文魚,寄世鍋裡面有好多料,有金菇,小棠菜,多春魚,蝦,蟹柳,青口,冬菇,豆腐,三文魚,八爪魚,芋絲,帶子同黃牙白.
除o左青口同蟹柳外,其他每樣都有兩件,呢個鍋雖然話係菜多,但都幾抵食,用料都幾新鮮,個湯都清甜.
白飯,麵豉湯都冇乜o野,不過煎三文魚唔香冇鹽燒味,但啲骨幾軟,可以食.
而燉蛋,端到o黎係暖暖o既,裡面有蝦,冬菇蟹柳同薄魷魚筒,燉蛋甜甜地,我食o左半碗已經覺得漏了.
6.$14.00o既特長鰻魚壽司
由於我都唔太食鰻魚,男友鍾意食,所以我都只食半個飯同正常鰻魚壽司長度o既鰻魚.壽司飯o既醋又落得唔夠,唔太好味.
7. $27.00o既芥茉燒茄子
呢個都等得幾耐,上枱時原來係原條,好長.佢舖o左木魚絲o係面,男友發現側邊就係天婦羅o既炸漿.
食吓先茄子好熱同腍,wasabi唔太辣,但原來熱食都唔錯,呢個幾好味.
環境:
好多年前佢o係力生廣場時已經幫襯過佢,到今日至有機會再幫襯,上到o黎,佢o既裝修同以前o個間一樣,好開心呀.
而冷氣呢,開頭覺得幾凍,可能未坐滿人啦,食食吓就覺得唔多夠,因為坐滿人兼隔離枱食石頭窩飯o掛.
呢餐埋單$190.30
张贴