Check in Tokyo (已結業)

登打士街一帶都有好多小食店，適合大人細路黎掃街又或者整番串一路行街一路食。最近，見到有間新開既雪糕店，就一於去試下。由於夜晚關係，真係太夜，已經無乜人，佢地準備收工，入面亦見到有班人用日文溝通，應該係日本人開既。之後有個女仔黎介紹，用半咸半淡，廣東話夾日文黎介紹我食Topping T3。呢間雪糕店只有北海道牛奶，京都抹茶同兩溝。同埋加十蚊有Topping。先睇睇門面。今次就貪心d，簡左兩溝。加一個T3 Topping。咁T3 Topping其實係兩粒丸子加紅豆同埋有一舊麻糬。雪糕方面，宇治抹茶味好濃郁，但可能濃郁得滯，蓋過左牛奶味。總結黎講，味道不錯，價錢稍為貴左少少。味道兩溝有待改進！