影片
更多
2017-03-19
193 浏览
琴日原本約左朋友食飯 點知等左成個鐘頭先黎話比我聽佢臨時有野做唔得 當佢甩我底既時侯已經9點幾 係等左咁耐又餓既情況下 都係諗住是但M記算 但諗下諗下又唔憤氣 所以一邊行一邊睇下有咩好野食 睇下附近有咩係好食既. 係我行左5分鐘到就留意到呢間蒸氣鍋門口有周中師傅推介既 諗落呢D食海鮮既一定唔方平 但門口個姐姐話9:30後有8折 係見佢好似好好食既內心交戰下 最後都係一個人膽粗粗去嘗試下呢間蒸氣鍋!入去去坐低既時侯 見到個餐牌既時侯 真係眼都花埋 因為上便有起碼40樣既海鮮比你簡 當中有平有貴 而我一個人食 所以我就只係簡左我最鐘意個幾樣食下我問姐姐有D咩好推介 佢話正路都會簡粥底先 因為係蒸既過程中係海鮮既味係會融入埋係個粥度 聽到呢度都已經有D流口水 雖然個粥對於一個人黎講有D貴 但考慮到只係食海鮮會唔夠飽 所以我都係叫左 姐姐推介呢個豬筒南瓜粥 佢真係拎哂D材料出黎 就咁放係底 等佢慢慢煮 最後我食既時侯 味道一入口覺得有D淡 可能係岩岩食完海鮮既關係 有明顯既對比 但食多幾淡就會Feel到個味出黎 豬肉加海鮮既味道非常鮮甜 加上個南瓜既甜真係一絕!第一樣我食既就係花甲王啦 開頭我
琴日原本約左朋友食飯 點知等左成個鐘頭先黎話比我聽佢臨時有野做唔得 當佢甩我底既時侯已經9點幾 係等左咁耐又餓既情況下 都係諗住是但M記算 但諗下諗下又唔憤氣 所以一邊行一邊睇下有咩好野食 睇下附近有咩係好食既. 係我行左5分鐘到就留意到呢間蒸氣鍋門口有周中師傅推介既 諗落呢D食海鮮既一定唔方平 但門口個姐姐話9:30後有8折 係見佢好似好好食既內心交戰下 最後都係一個人膽粗粗去嘗試下呢間蒸氣鍋!
入去去坐低既時侯 見到個餐牌既時侯 真係眼都花埋 因為上便有起碼40樣既海鮮比你簡 當中有平有貴 而我一個人食 所以我就只係簡左我最鐘意個幾樣食下
我問姐姐有D咩好推介 佢話正路都會簡粥底先 因為係蒸既過程中係海鮮既味係會融入埋係個粥度 聽到呢度都已經有D流口水 雖然個粥對於一個人黎講有D貴 但考慮到只係食海鮮會唔夠飽 所以我都係叫左 姐姐推介呢個豬筒南瓜粥 佢真係拎哂D材料出黎 就咁放係底 等佢慢慢煮 最後我食既時侯 味道一入口覺得有D淡 可能係岩岩食完海鮮既關係 有明顯既對比 但食多幾淡就會Feel到個味出黎 豬肉加海鮮既味道非常鮮甜 加上個南瓜既甜真係一絕!第一樣我食既就係花甲王啦 開頭我以為佢得幾粒啦 但都係十幾粒 係蒸左3-4分鐘之後 一打開就已經有好大浸既香氣 見到佢打開哂個樣已經令我 忍唔住快D想食 一放入口只有一個字 鮮! 不消2分鐘我已經全部清哂!
第二樣就係姐姐推介既聖子王 見到蒸前佢上便有層橙色既醬 佢話呢個係特製醬 咁我係滿心期待下啦 蒸完一打開又係一面都係香氣 一放入口除左有聖子既鮮味外 就有橙醬既微辣味 鮮味同辣味加埋一齊 都係一樣咁好味!
最後一樣海鮮亦都係我海鮮中既最愛 就係蒜蓉蒸扇貝 相信都唔駛多介紹 隻扇貝又大隻又厚佢大過一粒5$銀 厚到可以開一半攤開黎食 加上蒜蓉 粉絲 簡直係無敵組合 100分
呢間水上人蒸氣鍋 不單野食好味外 最值得一讚就係佢個服務態度 可能個姐姐見我一個人 佢全程又好細心介紹又同我傾計 雖然價錢唔計 但食物質素 味道 同埋服務 我係絕對滿意 所以推介比大家試下!
张贴
