影片
更多
2025-03-11
41 浏览
今次我地過左黎銅鑼灣行下Sogo，呢度以前係間燒肉店，見佢新開左間點心店招牌幾光猛吸引到我，就過左黎食啦🫖上到黎，門口幾有香港風味，有d茶葉等等既禮品買，坐位仲有部分係梳化位，同一般茶樓完全唔同風格，開茶仲有5款尊貴茗茶揀，我地就要番普通既普洱壽眉已經ok🇭🇰—龍大滿足（$70）呢個一龍大滿足有6款唔同既點心，酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、豌豆桃子、鹹蛋黃墨魚燒賣，可以話6樣我都好少見，最正我覺得係蟹粉菠菜香蝦餃，有唔少三文魚籽，同個餃都幾夾🥟翡翠響鈴腸粉（$48）呢個腸粉又係一個創新既點心，用腸粉皮包住響鈴，仲有麻醬點，雖然佢係蒸既點心，裡面個響鈴仲係脆既👏🏻鳳爪拼黑椒金錢肚（$46）呢個我認為係抵食之選，一次過有齊曬平時既兩款熱門點心，而且size都唔細，味道都唔錯👍🏻黑金流沙包（$40）流沙包最重要既流沙仲係熱既，食既時候要小心，金黃色既奶皇汁好好味😋一口豆腐（$58）一口豆腐整到簿簿既一層皮，脆脆地，裡面既豆腐好滑，做到應有既質感😄淮杞螺片燉竹絲雞（$52）個燉湯非常足料，無論係湯渣，定係湯水，一飲就飲得出入曬味😌呢間點心店既點心好有創意，同埋咁特別
上到黎，門口幾有香港風味，有d茶葉等等既禮品買，坐位仲有部分係梳化位，同一般茶樓完全唔同風格，開茶仲有5款尊貴茗茶揀，我地就要番普通既普洱壽眉已經ok🇭🇰
—龍大滿足（$70）
呢個一龍大滿足有6款唔同既點心，酸菜魚鳳眼餃、蟹粉菠菜香蝦餃、筍尖蝦餃皇、松露野菌晶瑩餃、豌豆桃子、鹹蛋黃墨魚燒賣，可以話6樣我都好少見，最正我覺得係蟹粉菠菜香蝦餃，有唔少三文魚籽，同個餃都幾夾🥟
翡翠響鈴腸粉（$48）
呢個腸粉又係一個創新既點心，用腸粉皮包住響鈴，仲有麻醬點，雖然佢係蒸既點心，裡面個響鈴仲係脆既👏🏻
鳳爪拼黑椒金錢肚（$46）
呢個我認為係抵食之選，一次過有齊曬平時既兩款熱門點心，而且size都唔細，味道都唔錯👍🏻
黑金流沙包（$40）
流沙包最重要既流沙仲係熱既，食既時候要小心，金黃色既奶皇汁好好味😋
一口豆腐（$58）
一口豆腐整到簿簿既一層皮，脆脆地，裡面既豆腐好滑，做到應有既質感😄
淮杞螺片燉竹絲雞（$52）
個燉湯非常足料，無論係湯渣，定係湯水，一飲就飲得出入曬味😌
呢間點心店既點心好有創意，同埋咁特別既點心一定係自製唔係預製，帶屋企人黎試應該幾有驚喜，唔洗飲茶時食黎食去到一式一樣😉
张贴
