沙田頭火鍋 (已結業)

🔻 沙田頭火鍋旺角砵蘭街139號地舖///🧃原生椰子文昌雞鍋 $168半隻一上枱見到個煲無雞件又好清，本身好疑惑，後來見到店員將成個椰青倒落個湯度，仲要將椰青肉全部刮落個煲度，跟住再將半隻雞倒入，滾出嚟嘅湯非常清甜，雪耳仲要索晒啲湯汁，正到！順帶一提，雞件好都好嫩滑鮮甜。/🧃安格斯肥牛（牛小排）(細）$198估唔到細份份量都好多，開邊切咗薄片，每塊牛脂肪同埋肉嘅比例好平均，牛味好出眾之餘，亦都油香十足/🧃自家手打墨魚丸、鮮蝦丸、鯪魚丸 該彈牙嘅彈牙，該實淨嘅實淨，該煙韌嘅煙人，全部嘅鮮味都好十足，非常推薦！/🧃自家鮮蝦靚雲吞、鳳城靚水餃、韮菜餃、竹笙鮮蝦餃 皮薄陷靚，全部都有大大隻蝦，彈牙鮮甜，特別推薦祝新鮮蝦餃，第一次食，竹笙嘅爽脆配上蝦餃，口感好有層次。/🧃三秒脆響鈴 $58店家自家炸，好脆口，正！/🧃棉花魚肚 $88、龍躉皮個湯咁鮮甜，一定要叫一啲索湯嘅食材，平時食得太多豆腐，於是就叫魚肚，索湯得來口感更加爽脆！另外第一次是龍躉皮，厚切嘅關係，口感好煙韌。