泰贊- 創意泰餐廳 (已結業)

有時食下午茶係為左咩？除左口痕之外，就係想係一個舒服嘅環境嘆下ＨＥＡ下同朋友傾下計，所以揀間好嘅餐廳食下午茶係一件幾挑剔嘅事。呢日去到大埔探下朋友，大中俾我嘅感覺都幾荒蕪，但呢間餐廳嘅門面俾我地吸引住，留意下店名，先發覺係食泰國野嘅，就入去試試。雖然人多，餐廳環境典雅舒適，見到人人張台都叫左個特別嘅餐就跟埋一齊叫，原來呢個係該店嘅下午茶套餐，一改我對泰國餐嘅印象如圖所示，入面包羅萬有，上至熱食，下至甜食，真係好適合下午茶同朋友慢慢食之餘，仲食到唔同類型嘅癮，除左個包我覺得食落好似放耐左有ｄ咬唔開之外，其他都幾好味當然梗係唔少得泰國餐常見嘅蝦餅啦！賣飛佛其實我地果時未食晏，所以都額外點左個焗薯，好味嘅焗薯係可以從薯仔中食到配料融入薯仔嘅味道，而佢就做得到喇，平時友人叫得薯仔我都好少食，因為覺得淡某某，但今次真係忍唔到口ＸＤ佢地嘅奶茶亦都好Impress到我，除左器皿靚之外，呢度嘅奶茶，奶與茶嘅份量係由自己調較，我比較鍾意咁樣嘅沖法，茶包浸係茶壺嘅時間愈耐，飲嘅奶茶茶味亦都愈濃郁，如果太濃亦都可以自己加奶去調，fit曬自己口味，愈坐得耐愈唔捨得走，因為真係太舒適同寫意，絕對係嘆tea嘅不二