影片
更多
2014-01-09
1049 浏览
成日睇人話難食到要開ac黎唱衰間野，原來係真（我自己今次都係第一次寫食評，真係唔想大家中伏)。。。首先，因為我同兩位朋友都七點到左，所以唔洗等位就直接入得，入左之後咁岩就坐正洗手間門口出面張枱，坐得唔舒服之餘，都幾危險下，因為又要避開d waiters（佢地一次過拎四個石頭窩)，同時又有好多人排隊去洗手間，坐得好唔舒服。不過呢樣都算，因為個人比較重視食物質素多d...食物黎到之前其實d waiters 既服務態度都好差。。。成日催人落單。。。我都算啦。我地一共叫左三樣野，兩個主食，一個小食款式好少，連基本既紫菜包飯都冇呢個炒年糕真係食完想叫佢回水！年糕其實好難整得難食，但佢地做到了！第一，冇辣味可言。唔知大家有冇食過桂林辣椒醬，呢碟野竟然係用辣椒醬去炒 完全唔係韓國既辣醬，真係我做左幾廿歲人食過最難食既年糕!!!!!第二，年糕過“林”。呢碟野好在“林”到冇牙都食到，根本唔洗咬咁濟，完全冇過煙“un”度，都唔知自己食緊乜！！！第三，貴到呢～ 呢碟咁既野都要57$ 好食唔緊要，我俾五百七都ok..但真係好難食，份量真係得12條（基本上我地食左4條之後就冇再食過，所以數到有幾多條) 不過好彩
首先，因為我同兩位朋友都七點到左，所以唔洗等位就直接入得，入左之後咁岩就坐正洗手間門口出面張枱，坐得唔舒服之餘，都幾危險下，因為又要避開d waiters（佢地一次過拎四個石頭窩)，同時又有好多人排隊去洗手間，坐得好唔舒服。不過呢樣都算，因為個人比較重視食物質素多d...
食物黎到之前其實d waiters 既服務態度都好差。。。成日催人落單。。。我都算啦。
我地一共叫左三樣野，兩個主食，一個小食
款式好少，連基本既紫菜包飯都冇
呢個炒年糕真係食完想叫佢回水！
年糕其實好難整得難食，但佢地做到了！
第一，冇辣味可言。唔知大家有冇食過桂林辣椒醬，呢碟野竟然係用辣椒醬去炒 完全唔係韓國既辣醬，真係我做左幾廿歲人食過最難食既年糕!!!!!
第二，年糕過“林”。呢碟野好在“林”到冇牙都食到，根本唔洗咬咁濟，完全冇過煙“un”度，都唔知自己食緊乜！！！
第三，貴到呢～ 呢碟咁既野都要57$ 好食唔緊要，我俾五百七都ok..但真係好難食，份量真係得12條（基本上我地食左4條之後就冇再食過，所以數到有幾多條)
不過好彩佢份量少，廢事又浪費要倒咁多（唉唔自我安慰可以點呀？
呢個炒烏冬，味道還可，但係超超超超超級多油，食完一啖之後，咀唇既油係可以用黎煎蛋。真心想問句：d油唔洗錢買既？
全晚呢個叫做係比較好，辣醬真係用番辣醬，起碼唔係桂林辣醬先!!!
味道ok..67$ 算中規中舉。。。但俾我食多次我都寧願唔食，捐67$出去好過。。。
食到一半，D waiter好快咁問我地仲食唔食碟烏東，我地都未答就收左碟烏東，坐都未坐暖就趕客走，因為出面有人等位。但都唔明咁難食都要等位係咩道理姐!!!!!
總括：貼錢買難受。
打成七百幾字黎小間野，夠哂俾面！
张贴
