The Right Place (寶勒巷)

营业中

休息中

尖沙咀寶勒巷有間好有feel嘅復古工業風餐吧，一入去已經俾佢啲手工港風壁畫吸引，好有王家衛電影感。高樓底配大吊燈，中間仲有大電視播MV，啱啱好仲播緊連詩雅《人生使用說明》，氣氛直接滿分。假日仲有Live Band，坐係度慢慢飲嘢，好Chill。今次主要嚟試佢啲 港風Cocktail：含笑半步釘：用咗京都念慈菴沖，但唔會甜膩，酸酸地帶花香，完全唔似藥水味，幾特別。醉鴛鴦：必推！用真鴛鴦沖法整，咖啡香濃似無cream版愛爾蘭咖啡，仲用返黑白淡奶杯上枱，好有港味。小食方面：香蒜辣粉薯條：偏鹹啲，係避風塘風味嘅炸薯條，送酒就啱，不過如果鹹味輕少少就完美。啤酒漿炸蝦：好食又新鮮，外層脆到有啲似天婦羅，連蝦尾都可以一齊咬落去，好爽口。