巴打廳 (已結業)

巴打聽原來轉咗做大雄在吃，今日幾個大人同小朋友嚟食， 小朋友鍾意食飯，大人鍾意食米線， 呢度都有齊晒， 好！就試下啦！米線湯底有好多選擇， 有特別嘅藥膳湯底 同埋唔記得乜嘢豬肚湯， 其他餸就好似車仔麵咁逐樣計價錢。佢啲湯底係足料好味嘅，唔覺有味精，得閒飲下湯補補身都好。 叫米線有飲品， 凍飲加兩三蚊，都係咖啡奶茶檸茶嗰啲。 我見有特飲但係今次冇試， 因為趕時間。員工就係新人落單慢咗啲， 相信日子耐咗應該會改善，最緊要食物係好味同真材實料。希望呢啲小店keep得住。一定會再返嚟食。