西湖餐廳

营业中

休息中

26-6-2005 1300今日要出席公司的俾面派對遊船行，睇完戲後拿拿聲入西貢搵食，本來想去金山粥店，去到條街，點解冇招牌，唔通執左？然後問街坊，先知佢地十一點幾買完就落閘放狗，真係厲害。諗唔到有乜好食，又時間緊逼，唯有去番路口的粥店及茶記，點之只係剩番豬骨粥，又唔想食炒粉麵及燒味，唯有頂硬上。粥新鮮煲，唔太綿，好熱，豬骨及其他配料唔算多，雖則麻麻地，不過從熱度可知還有誠意，除此以外，還有炸兩，做得唔靚，但又係熱度十足，所以等都算係有些少物有所價。