8鍋臭臭鍋 (金巴利道) (已結業)

講一個笑話比大家聽，就係講去咗台灣咁多次每一次我都係必食臭臭鍋嘅。但係都係近排我先知道原來臭臭鍋得此名係因為個鍋入邊有一舊臭豆腐，就係呢一舊臭豆腐嘅香味令一個簡單嘅鍋顯得不平凡。本身鍾意食辣嘅我去親台灣都唔會想麻辣鍋，反而揀呢一個臭臭鍋，因為臭臭鍋有種臭豆腐嘅香氣之餘仲會有辣味，可以一次過滿足晒兩種唔同嘅願望。而喺香港我都係第一次食到呢個臭臭鍋，估唔到佢同台灣嘅味道真係十分之相似以後都唔使去到咁遠食嚕。我朋友呢就叫咗麻辣鍋，呢個麻辣鍋嘅配料有台灣嘅名物豬血糕，大腸，公仔麵同埋好多唔同款式嘅蔬菜。味道好濃，麻香中滲出淡淡嘅麻香，味道不錯。佢嘅套餐有成九個咁多，幾個朋友嚟到一定會揀到自己心目中想要嘅口味。而且佢一個會配一個白飯又或者粉絲，仲有包一杯嘢飲份量絕對夠大絕對夠食。