La Postre (形點) (已結業)

難得放假同朋友仔帶埋BB去食lunch，見到Open rice book 枱有9折，即時book都得，yeah!! 小師奶咁又慳左～店員都算細心，見有小朋友就立刻預備high chair同兒童餐具～我地點了兩個set lunch。餐湯係蘑菇湯，味道好淡，一般。 南瓜秋葵呑拿魚意大利飯，啲飯軟硬適中，配上南瓜蓉，甜甜地幾好味，都幾啱小朋友食。見到餐牌上有個黑毛豬窩夫配沙律，初頭以為黑毛豬係一塊豬扒，再撘窩夫好似怪怪地，問一問店員原來係ham! 又幾得意喎，即刻叫黎試下！呢度個窩夫口感食落同其他店舖有啲唔同，有小小煙煙韌韌既感覺，後尾發現中間應該落左啲麻薯，而窩夫夾ham，又ok 夾喎！原來窩夫唔一定係加cream, 雪糕、果醬既甜野，配ham同芝士都work wor!! 而沙律同生果都新鮮！餐飲叫左即磨咖啡，都唔錯。另外好想講下，啲餐具真係好靚😍，無論係刀叉，或者係盛載食物嘅器皿，都好精緻！好想帶返屋企🙈🙈店面裝修都好靚，有點法國風情～平日下平無乜人黎hea下飲杯咖啡都好正！