南方 (已結業)

一直認為車仔麵好難整得難食，估唔到今日終於畀我遇到。同男朋友本身打算去食越南野，點知去到無開，唯有轉場啦，結果誤打誤撞就入左黎食車仔麵喇！鋪頭環境唔錯，睇得出裝修都幾用心。但係中伏既開始先由點餐開始，諗好食咩之後，男朋友去左櫃枱點餐，點知點餐都用左10分鐘(利申當時無其他人點餐)！ 以為只係因為新開，員工唔熟點用個點餐 system, 所以都算。食物是等叫number出去攞既，基本上全自助，唔會有人serve你。食物黎到，望個樣都知中伏，一般車仔麵加腩汁湯底都比較深色， 佢係好淡色架，食落食得出滾水既味道。蠔油冬菇無味道可言，醬炆牛肚唔夠冧，唔夠味，豬軟骨一樣無味，仲要係好硬好鞋, 同呀媽煲湯瘦肉無咩大分別。 三餸麵多謝$38，真係一d都唔值。今日總算試到難食車仔麵，真係唔會有下次。