影片
更多
2022-07-01
189 浏览
之前網上見到一間非常有特色嘅火鍋店～香江花月，原來最近登陸左荃灣廣場，方便晒港九新界既邊爐友！唔單止啱晒鐘意打邊爐嘅我，仲好啱我個位鍾意打卡嘅朋友📸火鍋店以懷舊復古為主題，好似穿越左番去50年代嘅舊香港咁✨餐廳超多靚裝飾，仲有間teamLab feel既打卡專用房，邊影邊感受以前五光十色嘅個種華洋風尚文化～而食物則主打配搭新穎而且震撼味蕾嘅養生美顏火鍋湯底，又靚又好味咁，即刻要book位去感受下😍呢度主打各種養生美顏功效嘅鍋底：牛乳玫瑰鍋、金泊清酒海鮮鍋、初菊龍井雞鍋等等，而貪靚嘅我就梗係揀牛乳玫瑰鍋🌹🔸日本牛乳玫瑰鍋🔸鍋底賣相超級靚，純白色牛奶配上七彩嘅食用花卉、日本玫瑰、木瓜同用牛奶整成玫瑰形嘅牛奶冰，淨係個湯我已經瘋狂打卡🤩，真係唔捨得開火整融粒玫瑰牛奶冰🙈唔單止樣靚，個湯底真材實料，有好香嘅牛油味同濃郁奶味，店員會幫手將木瓜切件同牛奶湯一齊滾，木瓜牛奶～絕對喺囡囡打卡兼養顏之選🥰💯🔸香江拼🔸超吸睛嘅全牛拼盤，牛魔王必食🤤入面有手切肥牛、牛柳粒、安格斯肥牛、牛小腿、牛白肉、牛心頂、牛柏葉同牛脷。安格斯肥牛擺成玫瑰花形，點忍心拆散佢😣唔同部位有唔同口感：安格斯肥牛肉香四溢兼超軟嫩🤤
火鍋店以懷舊復古為主題，好似穿越左番去50年代嘅舊香港咁✨餐廳超多靚裝飾，仲有間teamLab feel既打卡專用房，邊影邊感受以前五光十色嘅個種華洋風尚文化～而食物則主打配搭新穎而且震撼味蕾嘅養生美顏火鍋湯底，又靚又好味咁，即刻要book位去感受下😍
呢度主打各種養生美顏功效嘅鍋底：牛乳玫瑰鍋、金泊清酒海鮮鍋、初菊龍井雞鍋等等，而貪靚嘅我就梗係揀牛乳玫瑰鍋🌹
🔸日本牛乳玫瑰鍋🔸
鍋底賣相超級靚，純白色牛奶配上七彩嘅食用花卉、日本玫瑰、木瓜同用牛奶整成玫瑰形嘅牛奶冰，淨係個湯我已經瘋狂打卡🤩，真係唔捨得開火整融粒玫瑰牛奶冰🙈
唔單止樣靚，個湯底真材實料，有好香嘅牛油味同濃郁奶味，店員會幫手將木瓜切件同牛奶湯一齊滾，木瓜牛奶～絕對喺囡囡打卡兼養顏之選🥰💯
🔸香江拼🔸
超吸睛嘅全牛拼盤，牛魔王必食🤤入面有手切肥牛、牛柳粒、安格斯肥牛、牛小腿、牛白肉、牛心頂、牛柏葉同牛脷。安格斯肥牛擺成玫瑰花形，點忍心拆散佢😣
唔同部位有唔同口感：安格斯肥牛肉香四溢兼超軟嫩🤤牛白肉薄薄一片，口感好似脆鯇咁非常獨特入口仲啖啖牛油香😋牛心頂爽脆得嚟又嫩滑，個人私心狂推👍🏻牛乳鍋配牛肉，嚟個肥牛出浴～正！
🔸七色餃🔸
又一打卡之選✨華麗嘅擺法，鮮艷嘅顏色令人胃口大增，7隻唔同顏色餃子代表7隻唔同味道😋當中非常推薦姫松茸野菌餃，滿滿野菌嘅香味。另一款比較特別係蟲草花餃，藍色餃皮配搭橙色蟲草花，睇得出配色上既用心，食落仲好清甜，唔錯😋
🔸金粒豆腐🔸
鍋湯未滾又為食口痕，就叫咗個小食金粒豆腐試吓～外脆內軟，脆皮做得非常薄，咬開入面豆腐夠熱又滑，大小剛好一口一粒，食到停唔到口😂
🔸香芳幻、桃花緣🔸
呢度嘅特飲選擇都唔少，每款都好吸睛，好易會選擇困難症🙈香芳幻顏色非常夢幻，係酸酸甜甜嘅乳酪味～而桃花緣則有好香甜嘅桃味，兩杯特式飲品都好清新開胃，打邊爐飲就最啱配👍
由外觀打卡度到野食質素都好有水準，餐廳環境同服務都亦都好好！同朋友食完已經plan緊再book位同屋企人食多次😍
张贴
