原來依間越卷越好喺樓上又個VIP room;樓下好多人排隊,唔通住咗咁耐荃灣真係漏咗食呢間?
VIP房環境好舒服!
食物一樣得:
餐前三小碟
-炸青咖喱海鮮卷
- 聖子道
- 京川伴花刺
火炎醉蝦
香茅吊燒雲英鵝
酸窩蟹湯
蝦膠釀雞翼
越式炒素錦
越卷飯筒
雪耳糖水
青咖喱春卷,係誠意之作。味道好有咖喱味但唔太HEAVY,炸得好好!
聖子道:新鮮好甜,最難得係個私家調味醬,好香蒜味,恰到好處,成班朋友搶住LAM埋D汁!
個青瓜亦醃得啱啱好,仲係爽脆但入味,讚!讚!讚!
個燒鵝真係唔誇張:好味個鏞記!老闆話用香茅醃,又因為一燒好就等15分鐘吹吓先上碟。所以好脆皮,又夠肉味!唔想點個私房汁,但個老闆迫我哋點,又出乎意料哋好夾個肉味,掂!
蝦膠釀雞翼: 唔用糯米用蝦膠,蝦膠老闆話自己打,所以好彈牙,正到痺。
之後掛著食,唔記得影相。係個甜品比較普通,其他樣樣都好有水準!
呢餐真係喜出望外!決定下個星期同屋企人嚟做節!







