影片
更多
2008-12-31
8 浏览
見到Applegreen近日係openrice好評如潮, 我又好奇咁去試下, 我地一行五人去食午飯, 電話預約時已滿座, 但係walk-in時又有位喎, 呢度比尖沙咀店大好多, 亦都幾光猛, 而且有不少大檯, 適合一大群人來share野食餐牌有中, 英文版, 相量左一陣後, 我地選擇左Sesame Orange Chicken 沙律($98), 沙律一大碗的份量好多, 足夠多人享用, 沙律有d棒棒雞, 其實即係雞柳條, 另有大量粗和幼的脆片, 粗的似炸春卷皮, 幼的似炸米粉, 有桔子肉, 青瓜, 生菜絲, 配上芝麻薑汁食都幾得意幾清新 , 但味道未見突出頭盤就選擇左Four Cheese Quesadilla($48)同Potato Boats($68), Four Cheese Quesadilla係墨西哥烤餅夾上mozzarella, chedder, muenster同jack cheese四種唔同味道的芝士, 有4小件, 餅底熱熱脆脆的, 濃濃的芝士香加上餅面的酸忌廉同蕃茄粒同食可減少膩的感覺, Potato Boats即係焗薯皮, 一樣係有4件, 薯皮焗得唔算十分香脆
餐牌有中, 英文版, 相量左一陣後, 我地選擇左Sesame Orange Chicken 沙律($98), 沙律一大碗的份量好多, 足夠多人享用, 沙律有d棒棒雞, 其實即係雞柳條, 另有大量粗和幼的脆片, 粗的似炸春卷皮, 幼的似炸米粉, 有桔子肉, 青瓜, 生菜絲, 配上芝麻薑汁食都幾得意幾清新 , 但味道未見突出
頭盤就選擇左Four Cheese Quesadilla($48)同Potato Boats($68), Four Cheese Quesadilla係墨西哥烤餅夾上mozzarella, chedder, muenster同jack cheese四種唔同味道的芝士, 有4小件, 餅底熱熱脆脆的, 濃濃的芝士香加上餅面的酸忌廉同蕃茄粒同食可減少膩的感覺, Potato Boats即係焗薯皮, 一樣係有4件, 薯皮焗得唔算十分香脆, 但車打芝士, 煙肉都算豐富, 又係配酸忌廉同蕃茄粒,兩個頭盤整體水準都算不俗
意粉要了一碟Carbonara($78)同Napolitano($78), 兩個意粉上面都放上一片薄薄的巴馬臣芝士, 又放上一片烘過的蒜蓉法包, 其實我都唔明除了裝飾外還有咩特別作用??意粉的軟硬程度煮得適中, 當然不是正宗意式果種al dente, Carbonara個煙肉蛋汁幾香, 但煮得太傑, 有d搞到碟意粉一pat pat咁, 蛋汁掛唔上意粉, 而Napolitano就係配上無肉的香草蕃茄醬, 呢個只係一般, 意粉睇來係較為遜色的一環
甜品我地試左apple green crisp($48), 其實即係蘋果金寶, 新鮮蘋果粒鋪上麵包焗, 灑上糖霜同大量肉桂粉, 熱辣辣的蘋果粒配雪糕食, 一冷一熱幾過癮, 可惜我自己唔喜歡肉桂的味道, 另叫了peanut butter and banana turnover($48), 呢個整得好靚, 其實佢係香蕉片配朱古力醬再用酥皮焗, 但又唔覺有花生醬的味道, 不過都幾多香蕉, 算幾好味, 不過又唔係特別出色
其實整體食物水準不錯, 亦好識搞裝飾, 但係又唔係真係值咁高評價, 而且唔知點解佢地好多食品都係放些蕃茄粒, 酸忌廉, 肉桂粉, 令人感覺好行貨, 變化不大, 佢地大部份食品都即叫即做, 所以都要預d時間去等候, 趕時間就唔啱啦, 原來.......我自己麻麻地鍾意食蘋果架...
张贴
