Sevva (已結業)

一直以為這間餐廳是食西餐，以前去過食lunch， 因為食西餐，所以唔覺得有什麽特別，而且覺得很貴，但原來佢地亞洲菜都做得唔錯。至從見到蔡瀾喺佢個電視節目上介紹Sevva的臺灣牛肉麵之後一直想試。今天點了一個來食，真喺好好味。$190確實唔平，不單湯底好，牛肉是半筋半肉的金錢展，非常嫩，最怕炆到硬曬，但佢地做得非常非常好。有些臺灣辣味蘿蔔，辣豆芽，同秘制辣椒醬做配菜，非常好味。麺呢，就喺我覺得比較普通，而且唔夠滑同淋。我老公就叫了一個炸黑豚豬排配番茄炒飯。我試了幾口。炸黑豚豬排炸得好好味，一點油膩都唔覺得，而且非常鬆軟。個番茄炒飯都好好味，有些新鮮蝦仁加豌豆一起炒，好好味。用豌豆真喺非常出色。不過$320真喺唔平。但最特別就喺佢地的蛋糕，尤其他們最出名的Marie Antoinette蛋糕，必須預訂。今天叫了一個最小的堂食要$260。另外他們的Original Honey Crunch Cake亦好好味，美心都學佢地整架咋。叫了支水$55,今天埋單一共$908 for lunch。真喺唔平，但佢地都滿曬！我以前試過喺佢地都食High Tea，都唔錯架。本來拍了照，但唔識用iphone u