今日有朋自遠方來, 話想試試地道美食, 但又唔想食泰菜
立即上openrice look左陣, 篩選咗幾間比朋友揀, 最後揀咗"雷公子"
平日晚上都有幾檯客仔, 第一次黎既我們, 緊係預先book位啦
一坐低, 人人都有份既清潤霸王花老火湯, 對於唔係成日有湯飲的, 有福了!
而呢度所用既碗都有點復古, 用上是"鬥雞"印花的
眼見隔離檯是用藍白色的"飲勝"碗來飲啤酒的, 很有風味!
餐廳的牆上貼滿Menu, 有埋圖, 好方便我地呢d第一次去既人
先來一份:
海鹽手插蝦
是因為看到隔離檯點, 而個造型亦非常特別, 所以我們又要一份試試
用錫紙包著大量海鹽, 上面放上一枝枝的海蝦串
有點像椒鹽及避風塘的惹味!!!但又唔會太辣
用竹籤串著燒過的蝦, 食得方便, 蝦殼也烤得香脆, 蝦肉新鮮有咬口, 唔會淋pat pat, 推介!
朋友同我都鐘意食海鮮類, 感覺健康點
試一試
冰鎮古惑鮮魷
白雪雪既鮮魷, 用上冰塊墊底, 吃的時候, 建議蘸wasabi豉油, 就像吃刺身一樣 (口感都有點似)
魷魚很鮮嫩, 咬下一點筋都沒有, 又唔痴牙
但點樣古惑法呢?! 原來本身師傅加了點wasabi油在鮮魷上, 所以唔吃得太啃的朋友, 唔好點咁多wasabi豉油, 要不然會邊吃邊流液, 到時真係好古惑了
話哂想食d地道野, 離不開當然要有小炒啦
小尖笋農家小炒肉
呢個肉炒得好爽脆, 加入大量尖椒, 有少少四川風味
另外師傅又推介的
蒙式燒烤脆豬手
平日去德國餐廳食既唔同, 呢度既皮脆到好似食緊豬肉紙咁, 又唔多肥膏
最重要係佢既肉質好嫩, 有點似用慢煮出來的感覺, 而且真係唔會好似德國咸豬手咁咸
雷公子也特別秘製一款深綠色很多香草的醬來配合
味道會"青草"一點, 帶少少檸檬的酸, 蘸著肉同吃會無咁漏既~
聽說雷公子會有不定期轉換新菜式, 多黎都唔會食厭!
