尚鮮日式燒肉漁市場 (已易手) 新餐厅

之前同朋友係觀塘食過類似噶海鮮加放題，朋友愛上左，想再食，但又想穩間近近地噶。結果比區穩到區公司附近有間類似噶，於是叫我一齊去試下。我地前一日book檯都有位。9點鐘準時到餐廳，被安排坐卡位，坐得都幾舒服噶。一去到，立刻order野食，因為實在太餓啦。侍應會按人頭比海鮮，睇落就唔錯，仲有蟹添阿。所以立刻燒離食，結果，太失望啦。帶子無味，蝦係霉霉地架，所謂噶甲羅燒根本唔正宗，朋友話d料少到每人只可以分到一啖囉。鮑魚同蟹就不過不失啦。呢個刺身，應該係我地第一次食放題，叫噶刺身係食唔曬噶，原本都唔想做大曬鬼，但無辦法，全部刺身都係無味道噶，甜蝦仲要腥腥地。燒肉其實品種幾多，牛，豬同雞都齊曬。但奈何雪藏味都幾重，燒完都食得出，要點好多燒汁先可以食。所以得燒汁味。但辣汁煮蜆唔錯，蜆好大粒，而且都幾肥美，辣汁又夠辣。反而燒物ok，年糕芝士好好味，炸雙皮奶都唔錯，其他就還可以啦。不過呢間餐廳服務態度都唔錯，員工都幾友善。最後，朋友都忍唔住講左句，下次都係唔好貪近，好食先係最緊要。