玉

上個月同朋友嚟食過一次，今次帶埋小朋友嚟行亞博兒童書展，於是早一日訂定枱，原來經OpenRice 訂有8折，抵食呀。
我哋訂咗張8人枱，仲比咗間房我哋，私隱度高，又唔怕小朋友嘈到其他食客。
今日行到攰攰地，大家都幾好胃口，我同啲小朋友一向鐘意食啲香口嘢，揀咗個「風沙黑金磚豆腐」&「椒鹽軟殼龍蝦伴鮮茄莎莎」，都唔錯，母親大人就覺得「陳年黑醋脆鱔」幾好，當然女士們都鍾意食甜品，最後大家都覺得佢個「生磨杏汁燉官燕」夠足料，值得一試。