影片
更多
2020-01-23
391 浏览
今日本身約咗個朋友打邊爐，但係因為我病咗，所以唔想食太熱氣嘅嘢。然後朋友就推介可以嚟食卜卜蜆，所以就跟佢黎搵食。入到黎見到餐牌有好多唔同種類嘅卜卜蜆煲，因為我有啲病，所以朋友就話不如揀藥膳卜卜蜆。因為食完啲蜆都係會加配料打邊爐，所以枱面都有提供到一系列嘅打邊爐調味料。等左大約十分鐘左右就有野食啦! 一打開個蓋我覺得真係好surprise，估唔到原來份量咁多。呢一度嘅份量同我上次五六個人去摸蜆嘅份量差唔多！我同朋友都好懷疑我哋食唔食得晒。好大浸好香嘅藥膳味立刻傳入我個鼻，於是我哋急不及待快啲試吓啲蜆。店員話啱啱熟啱啱打開嘅時候係最好食嘅。果然每一粒蜆殼入面都有蜆肉，而且肉質好鮮甜，仲要完全冇沙。好難得可以食咁大兜蜆入面只有一隻係有少少沙！之後我哋就叫啲配料嚟打邊爐，因為我哋都唔想浪費左嗰個咁鮮甜嘅藥膳湯底。當中比較值得推介嘅係呢一碟吊龍伴！平時睇啲YouTube Channel介紹食牛肉火鍋就睇得多，今次第一次試呢一個部位，果然覺得難怪咁多人鍾意食。呢個部位油脂同肉嘅比例係一半一半，但係食落唔會覺得油膩，反而會有少少油脂煮熟左嘅香脆口感。呢一碟西班牙黑豚肉好有驚喜，初頭見佢油份唔係好多，
入到黎見到餐牌有好多唔同種類嘅卜卜蜆煲，因為我有啲病，所以朋友就話不如揀藥膳卜卜蜆。
因為食完啲蜆都係會加配料打邊爐，所以枱面都有提供到一系列嘅打邊爐調味料。
等左大約十分鐘左右就有野食啦! 一打開個蓋我覺得真係好surprise，估唔到原來份量咁多。呢一度嘅份量同我上次五六個人去摸蜆嘅份量差唔多！我同朋友都好懷疑我哋食唔食得晒。好大浸好香嘅藥膳味立刻傳入我個鼻，於是我哋急不及待快啲試吓啲蜆。店員話啱啱熟啱啱打開嘅時候係最好食嘅。果然每一粒蜆殼入面都有蜆肉，而且肉質好鮮甜，仲要完全冇沙。好難得可以食咁大兜蜆入面只有一隻係有少少沙！
之後我哋就叫啲配料嚟打邊爐，因為我哋都唔想浪費左嗰個咁鮮甜嘅藥膳湯底。當中比較值得推介嘅係呢一碟吊龍伴！平時睇啲YouTube Channel介紹食牛肉火鍋就睇得多，今次第一次試呢一個部位，果然覺得難怪咁多人鍾意食。呢個部位油脂同肉嘅比例係一半一半，但係食落唔會覺得油膩，反而會有少少油脂煮熟左嘅香脆口感。
呢一碟西班牙黑豚肉好有驚喜，初頭見佢油份唔係好多，都怕會好乾，點知加埋落個藥膳湯底，食落口係好滑。可能係因為佢切得比較薄，所以完全唔會有好柴嘅肉質。
之後就加咗一份四寶墨魚丸，由於時間關係已經落左兩粒落去。四款墨魚丸分別係鵝肝、芝士、原味同埋黑松露。四款都各有特色，而我個人最鍾意嘅就係鵝肝同埋芝士味。除咗個餡料好香之外，個墨魚丸本身亦都打得好彈牙，食得出入面有一粒粒嘅墨魚肉，呢個亦都係手打墨魚丸最大的賣點。
呢一次食卜卜蜆嘅體驗非常好，而且鋪頭入面嘅店員亦都非常友善，絕對會有下一次！
张贴
