悅滿軒

周不時係美孚食嘢，食嚟食去都係果幾間，突然記起有饒宗頤文化館，友人話果到有餐廳，我真係唔知，一於去試下。環境自己第一次嚟饒宗頤文化館呢邊，唔知原來仲有餐廳，仲要有咁靚嘅環境，餐廳嘅格局都好適合用來包場搞活動。餐牌Lunch menu都有分正常/Deluxe，我哋就揀返正常款式。餐湯、沙律、餐飲蜆肉辣蕃茄汁燴意大利麵 $138有驚喜！蜆肉十分清甜，肥美又有肉汁，辣蕃茄汁好惹味，辣辣地酸酸地好開胃，意粉好掛汁，我同朋友都好鍾意。 澳洲10安士肉眼扒配薯仔,炒菜 $168 好少中午鋸扒，見佢價錢唔算太貴，加上有10安士，同朋友share食，點咗五成熟，切開有血水，牛扒可以抖多陣先上枱。肉汁都豐滿，肉質就實左少少。蘋果金寶 $68 賣相不俗，仲混合咗Berry，酸酸甜甜開胃，加埋餅碎，抵食甜品。總括然而，Lunch過來淨係食個環境都好抵，加上整體食物質素都可以，特別係佢嘅意粉，希望再同另一半來。