津津食店 (已結業)

入梅窩staycation，未夠鐘check-in房間，於是走去醫肚先，朋友介紹話去梅窩一定要食呢個「蟹茄湯檬」只有星期日賣，而且賣晒就冇，真係要睇吓你有冇緣份㗎！我哋去到大概12點，已經有人排隊，店內人山人海。坐低之後，即刻點返一個馳名必食嘅「蟹茄湯檬」，就咁睇碗野賣相係正嘅，大大嚿嘅豬骨，但食落去就有少少失望，因為佢主打係有蟹，但完全唔覺得又蟹嘅鮮味，有沒有蕃茄味，反而仲係好淡，不過舊豬骨可以食埋啲骨膠原咁都幾好嘅。影相呃like都抵啦。如果以梅窩，都係一間普通嘅茶記，用作醫肚都可以接受。