素可泰 (已結業)

收工去咗佐敦見到呢間《素可泰》，以為係素菜館😅，望真D原來食泰菜，試吓先😊！生菜包 ＄88軟滑肉碎惹味洋蔥，炒得香口之餘，點了小辣剛剛好，配合新鮮生菜，越食越開胃，一次過滿足菜和肉的需要😋！雞金邊粉＄78金邊粉賣相好靚，煙韌感十足，雞肉、芽菜、韮菜、蛋絲集合而成，甜甜地，加埋果仁碎和伴邊的青檸一齊食，幾有風味！拼盤＄108精選 5 款泰國地道小食～有炸魚餅、炸蝦餅 、春卷、 咖喱角和雞棗配搭泰式醬汁，味道正常，但勝在乜都有😊！椰汁沙冰＄38一杯真材實料的沙冰，每啖都充滿椰香，配合埋内裹口感軟綿嘅椰肉和爽口的大樹菠蘿，絕對係必飲推薦👍🏻👍🏻👍🏻！