南小館Plus (已結業)

近黎大熱既希慎商場，大家都因為要去誠品潮拜，搞到成個商場超迫，原本見倒food court果陣都好多野食可以試，不過實在太多人，於是轉移陣地再上去睇下有d咩食，根住見倒呢間門口好多人，咪睇下有d咩食，似係食上海野既地方，不過去拎完飛，又唔係等左好耐就入去...o係呢度黎講算唔係好耐.....都係等左15分鐘到。不過佢既裝潢都幾雅緻，中式得黎又唔會太老套，比人幾舒服既感覺，唯一唔好既地方係個冷氣駛唔駛開咁大，一路食一路震...好彩帶多件外套，如果唔係賁冷親！講返佢d野食......小食方面，本來想叫"腌篤鮮燒賣"，因為個名好特別..點知個waiter話賣晒...唯有轉左叫"外婆xx燒賣"，幾好食，有咬口。香蔥大餅...估唔到佢個size咁大，不過一定要襯熱食，裡面個餡食落有d似咖喱角既味道，而且外脆內軟~~好味!!南小館四小拼，任你自由配搭，口水雞、糖醋排骨、馬蘭豆腐同涼伴彩絲，味道..一般..不過最欣賞佢個馬蘭豆腐，係心形架..真係未食睇倒都覺得靚。當然仲有小籠包...都幾好食，呢間都ok，個皮唔會一夾就散。主食方面，叫左老干媽年糕，鐘意食炒年糕同濃味既人會鐘意食。總括黎講，d野食幾好