小樽駅日式放題料理 (已結業)

同班舊朋友聚舊去開九龍灣，見到有人派傳單，原來九龍灣開左間放題，用傳單優惠券仲有珍寶帶子刺身送，入到去環境望落好舒服，以木為主題既裝修，同朋友傾左陣計，食物已經到，都算幾快，和食料理嗰度最好食既係炒牛柳粒，無根唔鞋，好食，其次係羊鞍，煎得好香,不會煎得太熟，炒蜆亦不錯，配合京蔥一齊炒帶出陣陣蔥香味,值得一試，壽司刺身食落都幾新鮮壽司飯軟硬過適中，最好食係油甘魚同埋三文魚，魚油香味很重，食物種類和一般放題大致差不多，係多左啲甜品可以任食，鍾意食甜品既應該都不錯，價錢比其他放題平，算係幾抵食，埋單每人$180，去開九龍灣會再試，因仲有好多種野食都未試。