影片
更多
2019-06-25
115 浏览
今日去淘大呢邊出job,但活動delay左，所以食飯時間都好趕……我同另一個同事就去買飯，剩低另一位同事就負責睇場~同事想食腸粉，所以就帶左我黎呢度買外賣，原來呢間都係唐記集團既店舖，難怪食物都好類同啦！同事一個要蝦腸，一個要鳳爪排骨飯，而我就要左盒叉燒腸同一份雞扎：)腸粉係即叫即製架！買到返去趁啲嘢仲熱，我地都決定食完先準備下一場活動啲嘢xpp 男同事唔洗十分鐘已經輕易KO成盒飯豉油可以另上，咁就唔怕啲腸粉會被醬油浸到過咸！同事蝦腸入面既蝦仁都好大粒咁啵：)我既叉燒腸都唔錯，每啖都食到叉燒塊仲有蔥花粒添，味道都唔錯！第一次食佢地既雞扎，幾有驚喜啵一份有成兩大舊，每一舊都由腐皮包住豬皮、雞肉同芋頭，入味又足料：D
我同另一個同事就去買飯，剩低另一位同事就負責睇場~
同事想食腸粉，所以就帶左我黎呢度買外賣，原來呢間都係唐記集團既店舖，難怪食物都好類同啦！
同事一個要蝦腸，一個要鳳爪排骨飯，而我就要左盒叉燒腸同一份雞扎：)
腸粉係即叫即製架！
買到返去趁啲嘢仲熱，我地都決定食完先準備下一場活動啲嘢xpp
男同事唔洗十分鐘已經輕易KO成盒飯
豉油可以另上，咁就唔怕啲腸粉會被醬油浸到過咸！
同事蝦腸入面既蝦仁都好大粒咁啵：)
我既叉燒腸都唔錯，每啖都食到叉燒塊
仲有蔥花粒添，味道都唔錯！
第一次食佢地既雞扎，幾有驚喜啵
一份有成兩大舊，每一舊都由腐皮包住豬皮、雞肉同芋頭，入味又足料：D
张贴
