福禧中越美食 (已結業)

褔禧厚褔街愈開愈多食肆，中西日韓台越泰甚至甜品，一個星期三餐到此又未必試得晒！不過喺云云新餐廳進駐此地時，早已落腳於厚褔街嘅褔禧卻依然受歡迎！| 馬拉盞通菜 |馬拉盞通菜基本上間間都大同小異，而呢度嘅亦然，但口味就偏淡，感覺冇咁多味精，而通菜亦抄得比一般餐廳為生，爽口而清淡。 | 豬扒手撕雞飯 |豬扒炸得入味香脆，入口啖啖香料，好有越式風味；手撕雞同樣都好好味，清清哋反而食到最天然嘅雞肉香，加上蔥同蒜嘅配合，混合白飯，一流！