呢次lunch 唔太餓，所以揀左食漢堡飽跟薯條餐。個餐有濃湯或沙津，仲有餐飲。濃湯夠濃，係每次必點。點解唔會點沙津呢？係因為個漢堡包係會跟埋些少沙津，感覺平衡一下腸胃。
個包黎到，一望塊肉都好厚，比連所快餐啲足三両厚，佢都好細心咁有支牙纖吉係中間，包同肉易拎同唔易走位。
咬落去係有肉汁，同彈牙，食到有肉既纖維同牛肉味，而唔係碎到散修修既肉，或者係用粉令到佢做到漢堡扒。食到中間，都忍唔住影相。
伴碟既沙津係配埋自家沙津醋，非常開胃，粗薯係剛炸好，唔會加過份既鹽，可以食到外脆內軟而有薯仔味既薯條。
唯一不足係有時會等十幾分鐘先會有得食，以午餐時間一個鐘黎講，食得有啲急。但即叫即製先可以食到有水準而新鮮既食物，呢方面睇得出其他食客都會理解，期待食物既來臨，亦係享受食野既一部分。
