結果10點幾去到大街真係好多間舖頭都仲開緊 入左去間素食餐廳 主打嘅素食餐我地就食唔落啦⋯⋯ 但甜品似乎都係招牌菜 結果三個人叫左三樣野 按濃淡順序食
😛蜜瓜牛乳刨冰
佢上面啲蜜瓜啱啱好夠食 幾香甜 難得食到個哈密瓜夠甜 夾埋個都算重奶味嘅牛奶雪花冰 溶左都可以連啲哈密瓜🍈肉繼續食 啲綿花冰上面化 下面似雪糕🍦係唔錯嘅
😛鐵觀音抹茶🍵布甸阿法奇朵芭菲
之後食呢個濃味少少 個抹茶味算幾出 出過個鐵觀音 倒埋啲糖漿落去 再筆埋啲脆脆上黎食 入面間唔中食到啲乾嘅紅莓🍓個口感唔錯～～
😛蘋果焦糖配奶油醬窩夫 • 香草雪糕
哈哈哈 不嬲都鐘意食焦糖味嘅野 因為好難伏 個雲尼拿雪糕真係好食嘅 我估係Movenpick 🤣🤣 轉個頭就同啲蘋果粒 夾埋個waffle清碟
仲有咁多野食 下次一定要試正餐🥰🥰
