Med Chef (已結業)

星期日同老婆係尖沙咀拍拖食飯，搵到此餐廳主打 CBD菜式，之前都好似無食過加入CBD 做食材的菜式。餐廳裝修新派，大部分的枱都見到中間的廚房及一班廚師努力工作中。菜式主要係Fusion 菜，配搭幾特別，西班牙意大利到地中海款式都有。芒果莎莎吉列蝦墨西哥薄餅，賣相吸引，薄餅尺寸唯一人份量，每隻蝦一片薄餅，兩個人食剛剛好，軟身薄餅配上脆卜卜吉列蝦，增加口感及層次感。日式芥末忌廉香煎廣島蠔闊條麵，微微的嘅芥末味道配上廣島蠔，減低蠔嘅腥味，蠔煎得剛剛好，唔會太熟，有少少juicy 。西西里式老海灣烤爙吊桶，烤吊桶講究火候及吊桶嘅質素，吊桶保持濕潤才會食落軟林林，好有地中海風情。甜品係開心果青檸鮮奶油芒果千層酥，酸酸甜甜加上脆脆嘅千層酥，令人回味。佢哋嘅飲品選擇亦算好多，我們點了熱情果柚子伯爵茶梳打，都好fresh。