草民 (已結業)

黑松露牛肝菌野菌意大利飯 $158味道剛剛好，唔會太膩口，黑松露味好出，反而唔係好食到牛肝菌（所長至愛），份量偏少，一個女仔自己都應該清得晒👍🏻煙三文魚蘆筍刁草扁意粉 $158友人偏愛三文魚，基本上餐牌上有三文魚都一定會想叫🤣 呢個意粉所長個人覺得不過不失，份量一樣都係唔太多，所以有胃可以叫埋兩個甜品。同場見到其他人叫嘅肉食同埋單骨雞翼好似都唔錯，所長建議大家如果兩個人嚟可以叫一個小食一個碳水一個肉食再加一個甜品就啱啱好💛雲呢拿窩芙（2件）$75甜品有驚喜！厚福街樓下成日排隊，想推一推大家上嚟食個甜品，閒日晚上上嚟人真係唔多！窩芙其實加多$10已經有4件，但所長奉行碟碟清主義，唔想叫多咗又食唔晒！即叫即整，窩芙一上碟已經有令人心心眼嘅魔力，打卡一流👍🏻橙酒朱古力心太軟 $68又係友人的愛，心太軟基本上實冇死，本身想叫抹茶味，但係去嘅當日未整起冇得叫住，下次再嚟試過。菠蘿柚子梳打 $48鍾意有氣飲品嘅可以一試，味道酸酸甜甜易入口，唔會怪味。和茗 $42個茶隔勁得意！之前見過有人話有膠味，但所長同友人都飲唔到，友人晚上唔鍾意太濃咖啡因（紅茶咖啡佢都搞唔掂）覺得呢杯啱佢得嚟幾好飲。