元祖沾麵專門店 (已結業)

💛 尖沙咀 元祖沾麵今日同朋友喺尖沙嘴食飯行街，嚟到好多嘢食嘅厚福街😚 想食拉麵沾麵就揀咗呢間「元祖沾麵」喇🥰 沾麵嘅湯全部都可以免費添食㗎～🦞 極上Raclette芝士龍蝦沾麵原來Raclette芝士係「芝士中嘅貴族」，一上枱已經聞到超香😚 龍蝦湯上枱熱到有氣泡，龍蝦味超濃，裏面仲有龍蝦肉同豚肉🥰 店員好細心比埋個鉗我哋食龍蝦，仲有紙巾同濕紙巾提供，非常貼心～ 芝士龍蝦啖啖肉好好味😋🦀 極上芝士蟹皇沾麵呢個沾麵嘅湯有香濃嘅芝士味，裏面仲有啲豚肉㗎，超邪惡呀😆 蟹膏超級多，配埋飛魚子就冇咁膩喇😚 拉麵裏面仲有叉燒、温泉蛋等等💛 個麵煙煙韌韌，浸一浸熱到滾嘅芝士湯食，超正😆