Y Show Tasty (已結業)

每次同埋朋友係尖沙咀行完街都會黎厚福街呢邊搵食，今次朋友有事早走左，唯有自己一個搵個豐富D既lunch食。早前聽朋友介紹呢間歐洲fusion菜唔錯，於是就上去試試。一個人叫左個軟殼龍蝦意大利飯($188)同埋一杯raspberry既mocktail。軟殼龍蝦意大利飯賣相一流，Po左上ig好多朋友都問我邊到有得食。軟殼龍蝦大細正常，但炸得十分香口，呢D鬚同埋蝦頭都可以食，岩晒想食蝦但唔想剝殼既朋友仔，意大利飯濕度同埋硬度適中，平時最怕坊間既意大利飯煮到好似平時食白飯咁軟或太濕，呢到就岩岩好，而且忌廉味十分濃厚，十分正宗。raspberry既mocktail十分清新，唔會太甜，起到開胃解膩既作用，這間餐廳西餐十分不錯。