胡爐 (已結業)

呢晚來到尖沙咀厚福街，為咗朋友jenny的推介而來，一間高質而且有火焰椰青雞鍋的鋪頭。一行四人理所當然點咗椰青雞鍋，等待過程中嗌咗两樣小吃，分别係椒鹽雞脆骨及秘製醉鴨舌，雞脆骨熱辣辣，脆卜卜，份量又多；而鴨舌就軟冧冧，又有濃香酒味扑鼻而來，两樣都同樣好吃。而個雞鍋就係店員即場係你面前炒雞件，跟住落埋酒再落埋一大個椰青的椰水，煲滾後1人飲2碗真材實料的椰青雞湯已非常之满足。再來D手工餃子拼盤，手打丸拼盤同埋紐西蘭羊肉片已經好足够，值得一提嘅係嗰扎青檸蘇打亦好好味。