翔壽司 (已結業)

第一次到訪尖沙咀厚福街呢間壽司店，店舖唔大只有十幾個吧枱位，但估唔到食物質素都唔錯Omakase3個價位中揀左中間既「翔」，有齊前菜、刺身、壽司同手卷🎋前菜有明太子沙律，之後係4款刺身象拔蚌、蜜柑鯛、鰹魚腩同大呑拿魚腩伴紫菜。海鮮處理得新鮮俐落，由淡味食到濃味，其中最鍾意鰹魚腩，厚切魚味濃郁但唔怕腥🙆🏻‍♀️ 7件壽司分別係白蝦、活北寄貝、皮剝魚、北海道海膽、目光、吉備奈子同沙甸魚🍣白蝦用柚子帶出鮮味，同活北寄貝、海膽壽司一樣以鮮味取勝。皮剝魚加上一小塊肝，味道層次豐富；目光經過火炙後逼出魚油，入口油香滿溢🤤比較少見既吉備奈子係銀帶鯡魚，口感較煙韌，每一件味道各有特色。最後以蔥吞拿魚腩手卷同麵豉湯結尾，整體黎講味道好多元化，下次會想試埋性價比幾高既壽司盛合！