翔壽司 (已結業)

來到厚福街，又係美食集中地，選擇頗多。呢間餐廳細細間，座位亦唔算多，大概10個左右。立食文化就係同壽司師傅好親近，享受即叫即整嘅感覺，店內亦好照顧客人，有提供椅子。店內播放嘅日文歌曲幾有共嗚，亦帶有日本嘅氣息。特上壽司盛合一共10款壽司，包括海膽、三文魚籽、牡丹蝦、帶子、 炙燒金線鯛、拖羅、深海池魚、池魚、油甘魚同埋真鯛。款色好多，看壽司色澤都知新鮮度都唔錯。個人比較鐘意炙燒金線鯛，炙過後的魚油滲入左飯內，一齊進食好好味。三文魚同拖羅就相當肥美，帶子亦都好鮮甜，入口即溶嘅感覺正！海膽壽司味道好濃，帶點鮮甜，而且有口感。而其他壽司亦都食得出好有鮮味，絕不馬虎。三色手卷盛包括鰻魚手卷、蔥拖羅手卷同辣味三文魚手卷。鰻魚手卷，鰻魚燒得好香，份量亦唔少，食落味道幾出，正！蔥拖羅手卷，個人覺得比較特別，拖羅蓉新鮮，而加埋葱既口感幾特別，味道配搭得幾好。辣味三文魚手卷，三文魚切塊，加左少少麻油，另外有種微微既辣味，配搭起來唔錯。三款手卷嘅配料多，食到底都有配料，滿足！