2DP (已結業)

🍈🍧蜜瓜碗•農場牛乳刨冰($108)今次專登嚟尖沙咀厚福街呢條食街試下新開嘅甜品舖 2DP ，餐廳甜品店來講都算幾大，位置寛敞，感覺幾舒服☺️呢度嘅甜品都非常之有特色，第一時間叫咗呢個3D版嘅立體蜜瓜刨冰🍈🍧，刨冰上面鋪滿晒蜜瓜波波，勁得意！一口蜜瓜波波食落好方便，仲要勁甜勁多汁！下面係北海道牛奶整成嘅牛奶味刨冰，牛奶味非常天然唔太甜，唔會搶左蜜瓜既味，好食！另外我地叫左杯火龍果紅茶乳酪($46)，你杯飲品賣相都幾靚㗎，清甜嘅火龍果味道配上酸酸地嘅乳酪估唔到都幾夾，天然健康，好好飲👍🏻 而呢度除咗有特色嘅甜品之外仲有素食，有機會再試下😎