星期五8點半，2個人去食，等位等左差唔多半個鐘先入得。
同好多拉麵店一樣，坐位唔算好多，但佢既食物款式就幾多下
除左最常見既魚介，仲有好多主打既海鮮味：海膽、龍蝦、蟹皇，而且仲有分為極上芝士
如果唔食沾麵，都仲有幾款拉麵同飯，不過觀察全場都係食沾麵既
我地叫左極上芝士海膽沾麵、龍蝦沾麵，兩款都加一個芝士飯。
極上芝士海膽沾麵，湯底芝士好濃郁，另上一板海膽都夠凍，食落鮮甜，喱個價可以當埋刺身食好正
龍蝦沾麵，湯底係濃厚既龍蝦湯，味道同西餐既龍蝦湯一樣，估唔到同沾麵都夾，有種西日fusion既感覺
唔夠飽既朋友可以一人叫多個芝士飯，
要讚既係保溫做得唔錯，麵湯食到尾先會少少涼左，而同時間上既芝士飯，最後撈湯食都仲熱熱地
