羅勇泰國粉麵 (已結業)

係厚福街搵嘢食基本上係一件好困難嘅事，因為成條街都已經有過百間餐廳，不過我今日特別揀咗一間喺香港好少見到嘅泰國船麵，叫做羅勇泰國粉麵。服務：好主動幫我由風口位轉去一個比較暖嘅位置，職員都主動收碟，態度非常良好。環境：用我最愛嘅藍色為主題， 牆壁上有好多泰國擺設，位同位之間唔會覺得好迫，地方係乾淨嘅。價錢：喺尖沙咀嚟講已經算偏平， 份量都算非常大碟，非常接受。食物：生蝦：好爽好鮮甜，夾埋蒜片同指天椒一齊食，好爽。炸蝦餅：炸得好夠透，蝦有彈力，夠新鮮。海南雞飯：超滑雞肉，肉質嫩口，連同秘製汁一齊食，好夾。泰式鴨肉湯粉：用船麵湯底，當中有甘甜藥材味，加上有醃製過嘅烤鴨 ，非常滿足。