NUTTEA (旺角中心第一座) (已結業)

一向都鍾意飲唔同嘅手搖飲品，今次第一次去旺角中心呢間Nuttea，選擇非常之多，選擇困難症嘅我覺得樣樣都好想試😂😂😂所以我叫店員幫我推薦一下。店員哥哥話堅果奶蓋茶同埋堅果奶都係熱銷排行榜。我同朋友分別叫左伯爵朱古力堅果奶蓋茶同埋草莓堅果奶蓋茶。一見到已經覺得好驚喜🤣因為奶蓋非常之多，好正🤤🤤 收銀旁邊會有奶蓋摌俾我哋自取，店員哥哥建議先用奶蓋摌享用奶蓋。1️⃣伯爵朱古力堅果奶蓋茶（9/10）杯蓋有教學建議飲用方式。我跟住呢個方法去飲，覺得好滿意，好耐未飲過一杯咁足料嘅奶蓋飲品。茶味非常清香，同伯爵朱古力奶蓋非常配合令成杯飲品唔會太甜，味道恰到好處。朱古力味好濃，好飲過啲連鎖店嘅熱朱古力🍫，奶蓋好多，味道濃郁，飲完會想繼續飲！2️⃣草莓堅果奶蓋茶（9/10）十分之好味，鍾意飲果茶嘅朋友可以一試。係清新之選。草莓味道濃，睇吓啲奶蓋好厚架，果味十足，一飲落口好清甜，唔會酸🥰😋可以Encore!最特別既係，NUTTEA以五種堅果經過冷壓萃取，快速運轉乳化成為純堅果奶。冇牛奶，冇化工既奶精。所以，素食者都可以飲！😍😍😍好喜歡NUTTEA既概念，係健康好味既飲品！🤤所以朋友推薦我一定一定要試！店舖入邊有唔