嵐橋日本料理

营业中

休息中

甜虾刺身($78) /中拖罗刺身($158) /油甘鱼刺身($68)，三款食材好新鲜，食落有鱼既鲜甜味，中拖罗肉质好好唔会食到有筋位，油甘鱼就有双重口感，浅色部位较软，深色部位就较爽口。帆立贝寿司($76) /深海池鱼寿司($96)，巨型帆立贝简直系物有所值，平时好少见到又厚又大，食落好滑仲有软绵绵，池鱼口感同样好爽口，值得一提系醋米寿司饭，米饭带有黏性唔会一夹就散，师傅手势好有功架。萨摩赤鸡腿肉($34)，鸡腿烧到锁住肉汁，唔会好鞋好干身，配埋店家自制酱汁，呈半溶状态，味道似有明太子混合千岛酱之类。厚牛舌($52)，厚切形状食落可以啖啖肉口感，牛舌好爽，烧得岩岩好。鹿儿岛黑豚秋葵卷($38)，黑豚用左脂肪比例较多部位，咬落去之后会挤出油脂香味渗落秋葵到，好香口。吉列广岛蚝($98)，外层粉浆炸得好薄好脆，而且唔会有油腻感觉，即炸既口感确系唔同d。鲷鱼汤锅烧乌冬($148)，比我印象最深刻既系个鱼汤，好浓郁既鲜甜味，自己都忍唔住饮左几碗，其他配菜同样吸左汤既味道。