時代冰室 (環球工商大廈) (已結業)

星期日係九龍灣工業區想搵間餐廳食下野都有啲難度，所有見到呢間有開就直接行入去啦。佢餐牌上都有好多選擇，我就選咗佢個特餐：招牌厚切豬扒湯通粉+3.6牛乳炒蛋+牛角包佢碟通粉一上枱就“嘩”咗出黎！呢塊豬扒真驚人，大過我塊面，堪稱巨扒！成個碗面都比佢冚哂，雖然賣相平實，不過係度食都唔會介意呢啲啦。呢塊扒食落去都唔差，厚切肉量，食完塊扒基本上都飽左一半。😆至於個炒蛋都ok滑，不過份量就少咗啲。而牛角包食落幾鬆軟香口。成個特餐$52。