順日本料理 (已結業)

今日約左個好耐無見嘅朋友食飯特登一齊黎試間bookmark左好耐嘅牛舌飯點解香港無日本嘅牛舌專門店㗎🥲🥲🥲我揀左招牌牛舌定食朋友就要左銀鱈魚西京燒定食再加個天婦羅拼盤同壽喜燒窩勁開心！牛舌定食超正！超多牛舌！有成6塊而且每一塊都超厚切！但即使咁厚切，都非常淋滑入口即化，無牙都食到！好好食佢無會好濃嘅醬汁只係輕輕灑上黑椒食返香煎過嘅肉味！好滿意！👍朋友嘅銀鱈魚西京燒我都偷試左啲魚肉嫩滑味道好香甜好幸福嘅感覺💕天婦羅拼盤好豐富有菜蔬同天婦羅蝦兩隻炸粉輕薄而且唔會太油膩壽喜燒都好大窩好多蔬菜牛肉份量亦多泡喺甜甜嘅湯入面超下飯～