Espresso Alchemy (美麗華廣場1期)

营业中

休息中

食過幾次Espresso Alchemy，好鍾意佢個青醬雞排沙律，健康有營又好味~今日早收工，決定去食個early dinner。青醬雞排沙律雞排好足料，份量好多，慢煮後肉質特別嫩滑juicy，淋上青醬，清新惹味。伴碟沙律菜新鮮又爽脆，加入沙律醋特別開胃。煙三文魚多士卷成玫瑰花形既煙三文魚賣相好靚，多士烘得脆口，伴以cheese、新鮮蕃茄片等，仲有沙律菜，絕配組合好滋味~女神三文治有齊牛油果、青瓜、蕃茄、水牛芝士，麵包烤得相當香脆可口，牛油果軟滑、青瓜爽脆、蕃茄新鮮，配埋香甜幼滑水牛芝士真係勁夾。厚切意大利煙肉配卡邦尼意粉意粉煮得剛剛好，彈牙有嚼勁，配以濃稠醬汁，軟滑又creamy，加埋外香內嫩厚切意大利煙肉好惹味。意粉煙煙韌韌，唔會煮得過腍，醬汁充滿蛋香，口感豐富，配埋鹹香十足既厚切意大利煙肉好正。咖啡白朱古力西多士薄脆多士塗上咖啡白朱古力醬，入口香脆清甜唔會膩。Tiramisu賣相吸睛，味道口感輕盈醇厚，食落香滑細膩再夾雜點咖啡酒香。Iced Mocha濃郁朱古力味夾雜香醇咖啡，別有一番風味。